Malajzia do të shtrijë programin e saj të vaksinimit falas për të gjithë të huajt që banojnë në vend, duke përfshirë studentët, refugjatët dhe migrantët që janë pa dokumenta.
Vendi pritet të fillojë shpërndarjen e vaksinave në fund të këtij muaji, duke synuar të mbulojë të paktën 80% të popullsisë së saj, që përbëhet nga 32 milionë banorë, transmeton portal arbresh.info
“Një mjedis i sigurtë pa Covid-19 mund të arrihet vetëm kur imunizohen sa më shumë banorë të Malajzisë”, tha komiteti qeveritar për furnizimin me vaksina në një deklaratë.
“Gjatë një pandemie, sigurimi i vaksinave është një hap humanitar”, thuhet tutje në deklaratë.
Megjithatë, autoritetet kanë theksuar se përparësi do të ketë banorët e Malajzisë për t’u vaksinuar të parët, shkruan Guardian.
Malajzia ka parë një rritje të lartë të infeksioneve me koronavirus gjatë javëve të fundit, pasi kishte frenuar kryesisht epideminë gjatë vitit të kaluar.
Malajzia ka regjistruar 250 mijë raste me koronavirus, duke përfshirë edhe 923 vdekje./arbresh.info/
Osmani viziton Ambasadën e Kosovës në SHBA
Zgjedhjet dhe referendumi testojnë të ardhmen evropiane të M...
Termometri këtë javë shkon në minus, ky është parashikimi i ...
Hajnat hyjnë në një shtëpi në Viti, vjedhin një pistoletë me...
Ekspertët e sigurisë kibernetike dhe psikologët tregojnë mas...
Superliga vazhdon me ndeshjet e xhiros së nëntë, luhet në Su...