Presidenti i Venezuelës, Nicolas Maduro u takua në Karakas me komisaren e lartë të OKB-së për të Drejtat e Njeriut, Michelle Bachelet, raporton Anadolu Agency (AA).
Takimi në pallatin presidencial Miraflores ishte i mbyllur për mediat.
Maduro deklaroi se komisares Bachelet ftesën ia kanë dërguar vitin e kaluar dhe se ajo është takuar me përfaqësues të shumë organizatave dhe institucioneve joqeveritare në vend.
Ai falënderoi Bachelet për vizitën duke shprehur shpresën se vizita nënkupton hapjen e kapitullit të ri në mes Venezuelës dhe Komisariatit të lartë të OKB-së për të Drejtat e Njeriut.
Maduro i ka thënë Bachelet se si president kushtetues i vendit do të punojë për të siguruar që kushdo që shkel të drejtat e njeriut në atë vend të nxirret para drejtësisë.
Më 10 mars të këtij viti, presidenti Maduro u betua për mandatin e tij të dytë pas një bojkoti nga opozita.
Tensionet u përshkallëzuan kur Juan Guaido, i cili ishte kryetar i Asamblesë Kombëtare të Venezuelës, më 23 janar u vetëshpall si president i përkohshëm i vendit, veprim i cili u mbështet nga SHBA-të dhe shumë vende të Evropës dhe Amerikës Latine.
Turqia, Rusia, Kina, Irani, Bolivia dhe Meksika qëndruan në mbështetje të Maduros.
“Nxënësit po përgjumen”, mësuesja në Tiranë alarmon se po pë...
“Përfitoi 40 mijë euro”, Gjykata merr një vendim për personi...
A mund të bëjë për vete votuesit ruralë kandidati demokrat p...
Policia ndalon një person pasi tentoi të fuste ilegalisht rr...
Vullneti shpjegon për mënyrën e fitimeve nga rrjetet sociale
Ndërgjegjësimi ndaj kancerit të gjirit, IKShPK: Inkurajohen ...