Macron: S’më intereson se çfarë thonë gazetarët

22:21 | 5 Shtator 2017
Trina Galanxhi

Presidenti francez, Emmanuel Macron, ka akuzuar gazetarët francezë se janë duke u marrë shumë me jetën e tij. 

“Nuk më intereson se çfarë thonë gazetarët, më intereson populli francez. Këtë duhet ta kuptoni”, ka thënë Macron para gazetarëve, transmeton portali arbresh.info

Duke ju drejtuar atyre gjatë vizitës në një shkollë në Francën lindore, Macron tha se mediat duhet të raportojnë për 12 milion fëmijët e shkollave që kthehen në klasat e tyre, në vend që të pyesin për jetën e tij.

“Gazetarët kanë një problem. Ata më shumë janë të interesuar në punët private, sesa në punët që bëhen për vendin”, ka thënë ai.

Mbështetja e Macronit ka rënë ndjeshëm që nga zgjedhja e tij si President i Francës. 39-vjeçari kishte premtuar se do të mbajë distancë me media dhe do të merrej vetëm me punët që janë në interes të vendit.

Së fundmi, ai është akuzuar për shpenzime marrëmendese për grim. Gazetat franceze e kanë ‘kryqëzuar’ atë duke thënë se ka shpenzuar rreth 30 mijë euro për pamjen e tij./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm