Ministri i Jashtëm i Gjermanisë, Heiko Maas, akuzoi SHBA-të për refuzimin e ofertave për një zgjidhje miqësore në tregti dhe paralajmëroi se Bashkimi Evropian së shpejti mund të përgjigjet duke rritur tarifat për mallrat amerikane, transmeton Anadolu Agency (AA).
Maas sot tha se Washingtoni “po shkon në rrugën e konfrontimit”, pasi administrata e Trumpit vendosi taksat e mëdha për mallrat e BE-së, pasi mori miratimin e Organizatës Botërore të Tregtisë mbi subvencionet evropiane për prodhuesit e avionëve Airbus.
Kryediplomati gjerman në Twitter shkroi se “BE duhet të reagojë dhe ndoshta të rritë tarifat ndëshkuese pas miratimit të OBT-së”, një referencë e dukshme për një rast të ngjashëm të OBT-së që përfshin Boeing.
Maas tha se BE “mbetet e gatshme të negociojë bashkërisht rregullat për subvencione në industrinë e avionëve”, duke shtuar: “ne ende mund të shmangim dëme të mëtejshme.”
Kurti për AP-në: Fitorja e Rusisë në Ukrainë do të rrezikont...
Të paktën 14 të vrarë në një sulm izraelit në Bregun Perëndi...
Kurti në Poloni: E ardhmja e vendit tim është në BE dhe NATO
Pako me duhan pa banderola gjenden në Viti, sekuestrohen nga...
Spektakël me gjashtë gola – Porto dhe Man Utd ndajnë pikë në...
Përleshje fizike në Gjakovë, policia arreston pesë persona