Ministri i Jashtëm gjerman, Heiko Maas kritikoi ashpër sot veprimet e qeverisë autoritare në Bjellorusi kundër gazetarëve që mbulojnë protestat post-zgjedhore në vend.
Pak më herët sot, Bjellorusia u hoqi akreditimin disa gazetarëve të medieve të huaja, ndërkohë që arrestoi disa të tjerë.
“Nëse gazetarët janë arrestuar në mënyrë arbitrare, pa ndonjë bazë ligjore dhe pengohen të bëjnë punën e tyre të rëndësishme, me tërheqjen e lejeve të tyre të punës, atëherë kjo nuk është aspak e pranueshme”, tha ai në një deklaratë.
“Ne rezervojmë shprehimisht të drejtën për të marrë masa të mëtejshme. Ky sulm ndaj lirisë së shtypit është një hap tjetër i rrezikshëm drejt shtypjes së mëtejshme në vend të dialogut me popullsinë”, vazhdoi ministri.
Burime në qarqet diplomatike të Berlinit raportuan se Ministria e Jashtme gjermane do të thërrasë së shpejti ambasadorin bjellorus, për të shprehur mospranimin e dhunës ndaj medieve./atsh/
Papa Françesku kërkon të hetohet nëse në Gazë po kryhet gjen...
Plagoset me armë 32-vjeçari shqiptar në Itali
Mustafa i PDK-së: Kërkojmë shkarkimin e Ministrit Peci, Fito...
Hamza në Zvicër: Kosova synon te sjellë ekspertë ndërkombëta...
Haradinaj: Diasporën do ta mbështesim fuqishëm për t’i...
Lucescu vazhdon të merret me Kosovën: Luajtën shumë mirë, po...
Skip to content
