Presidenti Joe Biden pritet të ushtrojë presion këtë të enjte ndaj Benjamin Netanjahut për të nënshkruar marrëveshjen e armëpushimit në Gazë, pavarësisht nga tërheqja e presidentit amerikan nga gara presidenciale gjë që vë në pikëpyetje ndikimin e tij mbi kryeministrin izraelit.
Netanjahu do të takohet gjithashtu me zëvendëspresidenten Kamala Harris – kandidaten e re demokratike për presidente, një ditë pasi kryeministrit izraelit mbajti fjalimin në Kongresin amerikan.
Vizita e kryeministrit izraelit në SHBA erdhi pasi dhjetëra njerëz u vranë në Rripin e Gazës, me 129 të vdekur gjatë 48 orëve në Khan Younis si rezultat i bombardimeve izraelite.
Marrëdhëniet midis Bidenit dhe Netanjahut janë të tensionuara për shkak të sjelljes së Izraelit në luftën e tij kundër Gazës, pavarësisht mbështetjes së vazhdueshme ushtarake dhe politike të presidentit amerikan për aleatin kryesor të Uashingtonit në Lindjen e Mesme.
Teksa Biden thotë se dëshiron të sigurojë një marrëveshje armëpushimi dhe lirimin e pengjeve teksa do të jetë edhe për 6 muaj në detyrë, Netanjahu mund të tundohet të presë deri në presidencën e tij të çalë dhe të negociojë me pasardhësin e tij.
Si pjesë e vizitës së tij të parë në Shtëpinë e Bardhë gjatë presidencës së Biden, Netanjahu do të zhvillojë bisedime me udhëheqësin amerikan në Zyrën Ovale në orën 13:00 dhe të dy më vonë do të takohen me familjet e robërve amerikanë të mbajtur në Gazë./rtsh.al/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite