Lufta e Rusisë në Ukrainë shkakton krizë ushqimore në Afrikë

23:45 | 28 Prill 2022
Trina Galanxhi

Human Rights Watch (HRW) ka paralajmëruar se pushtimi rus i Ukrainës ka përkeqësuar krizën e sigurisë ushqimore në vendet afrikane.

Raporti i publikuar nga HRW thekson se shumica e vendeve afrikane mbështeten jashtëzakonisht te Ukraina dhe Rusia për vajrat bimore, plehrat, gruri dhe importet e grurit, të cilat përbëjnë shumicën e produkteve kryesore.

“Lufta ka ndikuar në tregjet globale të mallrave dhe flukset tregtare në Afrikë, duke rritur çmimet edhe në rajon. Madje edhe vendet që importojnë nga të dy vendet ndikohen në mënyrë indirekte nga çmimet e larta të mallrave kryesore”, tha grupi i të drejtave me seli në Nju Jork.

Sipas raportit, para luftës, vendet në Afrikë, veçanërisht Nigeria, Kenia, Kameruni dhe Angola po përballeshin me rritjen e çmimeve të ushqimeve për shkak të klimës ekstreme dhe kushteve të motit, si përmbytjet, rrëshqitjet e dheut dhe thatësirat, ndërkaq pandemia COVID-19 ndërpreu përpjekjet e prodhimit dhe zinxhirët e furnizimit global./atsh/

Shpërndaje në rrjete sociale

Lajmet më të lexuara

Të ngjashme

Foto lajm