Me sekuestrimin e një naftëmbajtëseje britanike në Ngushticën e Hormuzit, Irani i është futur një rruge të rrezikshme, deklaroi në twitter ministri i Jashtëm britanik, Jeremy Hunt.
“Veprimi i djeshëm në Gji jep sinjale shqetësuese se Irani mund të zgjedhë rrugën e rrezikshme të një sjelljeje të paligjshme dhe destabilizuese, pas ndalimit jo të ligjshëm të një naftëmbajtëseje që po shkonte drejt Sirisë”, shtoi ai.
Edhe SHBA-ja kritikoi rritjen e dhunës nga ana e Iranit pasi Gardianët e Revolucionit Iranian njoftuan se kishin konfiskuar një naftëmbajtëse britanike në Ngushticën e Hormuzit.
“Kjo është hera e dytë në pak më shumë se një javë që Britania e Madhe shënjestrohet nga dhuna e tepruar e regjimit iranian”, njoftoi në një komunikatë Garett Marquis, zëdhënës i Këshillit të Sigurisë Kombëtare amerikane.
Garda Revolucionare Iraniane deklaroi se forcat e saj kishin kapur një naftëmbajtëse britanike në Ngushticën e Hormuzit për një shkelje të supozuar të ligjeve ndërkombëtare./atsh/
Hamza: Gratë duhet të përfshihen më shumë në tregun e punës,...
Lumbardh Salihu, fitues i “Big Brother”, bëhet pjesë e LDK-s...
Dhjetëra punëtorë protestojnë para zyrës së KEK-ut, kërkojnë...
Ambasada e Francës dhe Instituti Francez në Kosovë nesër lan...
Për të dytën ditë me radhë, Turqia sulmon kurdët në Siri dhe...
Putin do të takohet me shefin e OKB-së në samitin e BRICS-it