Lirohen 79 nxënësit e rrëmbyer në Kamerun

14:06 | 7 Nëntor 2018
A. B.

Nxënësit e rrëmbyer nga një shkollë në rajonin veriperëndimor të Kamerunit janë liruar, thonë zyrtarët.

Sipas mediave, 79 nxënës dhe tre persona të tjerë u rrëmbyen të dielën në kryeqytetin e rajonit, Bamenda.

Drejtori i shkollës, shoferi dhe një mësues janë ende në robëri, raporton BBC.

Rrethanat e lirimit të nxënësve nuk janë të qarta, por autoritetet thonë se po merren në pyetje para se të ribashkohen me prindërit e tyre.

Sipas Kishës Presbyteriane të Kamerunit, përcjell bw, studentët u braktisën në një nga ndërtesat e tyre në qytetin Bafut, rreth 24 km nga Bamenda.

Kisha gjithashtu zbuloi se rrëmbimi i së dielës ishte rasti i dytë në të njëjtën shkollë në më pak se një javë.

Ministri i Komunikimit, Issa Bakary Tchiroma, tha për AFP se “të gjithë 79 nxënësit janë liruar”, por nuk dha detaje të mëtejshme.

Shpërndaje në rrjete sociale

Lajmet më të lexuara

Të ngjashme

Foto lajm