Google ADS

Lideri italian u bën thirrje europianëve të fillojnë të punojnë tokën

01:27 | 1 Prill 2022
Trina Galanxhi

Udhëheqësi italian, Mario Draghi, u ka bërë thirrje europianëve që të “kultivojë të gjithë tokën në dispozicion” si një zgjidhje e pjesshme për të reduktuar importet e produkteve bujqësore, veçanërisht drithërave ruse, për shkak të luftës në Ukrainë.

Kryeministri Draghi tha se, sipas praktikave ekzistuese bujqësore në Bashkimin Europian, 10 përqind e tokës është lënë qëllimisht e papunuar, por kjo tani duhet të ndryshohet për të reduktuar varësinë nga importi i produkteve bujqësore, transmeton portal arbresh.info

Nuk dihet nëse Ukraina, një nga eksportuesit më të mëdhenj në botë të vajit të grurit, misrit dhe lulediellit, mund të shpëtojë ndonjë gjë këtë sezon mbjelljeje.

Italia pret që Europa Perëndimore t’i kërkojë Kanadasë, Shteteve të Bashkuara dhe Argjentinës të ndihmojnë në kompensimin e mungesës së importeve ushqimore nga Ukraina dhe Rusia./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm