Google ADS

Liban, zbulohet lloj i ri i virusit COVID-19 tek pasagjerët nga Mbretëria e Bashkuar

14:44 | 25 Dhjetor 2020
Arbresh.info

Libani ka bërë të ditur se lloji i ri i virusit COVID-19 është zbuluar tek një pasagjer që mbërriti në vend me një fluturim nga Mbretëria e Bashkuar.

“Një i rast i infektuar me llojin e ri të koronavirusit u zbulua në bordin e një fluturimi të ‘Middle East Airlines’ që erdhi nga Mbretëria e Bashkuar”, njoftoi në twitter ministri libanez i Shëndetësisë, Hamad Hassan.

Hassan konfirmoi se ministria po ndjek rastin e infektuar dhe ata që ishin në kontakt me të.

Ai po ashtu kërkoi nga pasagjerët e ardhur nga Mbretëria e Bashkuar dhe veçanërisht ato në të njëjtin fluturim që të tregojnë kujdes dhe të respektojnë masat parandaluese.

Mbi 40 vende, përfshirë Turqinë dhe ato evropiane, kanë pezulluar trafikun ajror me Mbretërinë e Bashkuar pas zbulimit të llojit të ri të koronavirusit në vend. Disa prej tyre, përfshirë Francën, mbyllën edhe kufirin e tyre tokësor.

Lloji i ri i sapozbuluar i koronavirusit raportohet se përhapet 70 për qind më shpejt./AA/

Shpërndaje në rrjete sociale

Lajmet më të lexuara

Të ngjashme

Foto lajm