Ministri i Jashtëm rus Sergei Lavrov tha të mërkurën se disa formulime për marrëveshjet me Ukrainën janë afër për t’u arritur, me status neutral për Kyivin.
Megjithatë, ai i tha gazetës RBC se ka edhe çështje të tjera me rëndësi që po diskutohen ende, duke përfshirë përdorimin e gjuhës ruse në Ukrainë dhe “lirinë e fjalës”, raporton Reuters.
Ai shtoi se Rusia nuk sheh “asnjë shenjë” se SHBA është e interesuar në zgjidhjen e konfliktit.
Shtetet e Bashkuara kanë rol vendimtar në përcaktimin e pozicionit të autoriteteve ukrainase, por “sot, ne nuk shohim asnjë interes nga Shtetet e Bashkuara për ta zgjidhur shpejt këtë konflikt”, tha Lavrov.
Kjo vjen pasi negociatori rus Vladimir Medinsky i tha agjencisë së lajmeve Interfax se bisedimet me Ukrainën janë të vështira dhe të ngadalta, por Rusia “sinqerisht” dëshiron paqe sa më shpejt të jetë e mundur.
“Negociatat janë të vështira, po shkojnë ngadalë. Sigurisht, ne do të donim që gjithçka të ndodhte shumë më shpejt, kjo është një dëshirë e sinqertë e palës ruse. Ne duam të arrijmë në paqe sa më shpejt të jetë e mundur”, tha Medinsky.
“Ne kemi nevojë për një Ukrainë paqësore, të lirë, të pavarur, neutrale – jo një anëtare e blloqeve ushtarake, jo një anëtare e NATO-s”, shtoi ai.
Guardiola befason me deklaratën rreth gjyqtarëve
Pacolli takon kryeministrin e Irakut: Ramë dakord që të viz...
Kurti: Kontributi i diasporës për vendin tonë mbetet madhor ...
Bernardo Silva tallet me Arsenalin shkak trofetë
Qëlluan me armën e shërbimit qytetarin, shpallet në kërkim e...
Çrregullimi Emocional Sezonal gjatë vjeshtës, si ta përballo...