Kurz: Paratë e rimëkëmbjes të përfundojnë në sektorët e duhur

12:29 | 12 Korrik 2020
Arbresh.info

Kancelari austriak, Sebastian Kurz, përcaktoi sot kushtet që do t’i nevojiteshin për të miratuar paketën e diskutueshme të rimëkëmbjes pas pandemisë të Bashkimit Europian.

“Nëse do të duhet të shpenzojmë një shumë të madhe nga paratë e shtetit, atëherë të paktën duhet të sigurohemi që ato po rrjedhin në sektorët e duhur”, tha ai të shtunën për gazetën “Frankfurter Allgemeine Sonntagszeitung”.

“Mbi të gjitha, më shumë hulumtime dhe zhvillim drejt një infrastrukture të mirë dixhitale, përfshirë në tranzicionin teknologjik, që është i nevojshëm për mbrojtje më të mirë të klimës”, shtoi lideri austriak.

Komentet e tij vijnë përpara një samiti të veçantë të BE-së për në 17-18 korrik, ku shpresohet arritja e marrëveshjes për paketë e rimëkëmbjes post COVID-19, e propozuar nga Komisioni Europian./atsh/

Shpërndaje në rrjete sociale

Lajmet më të lexuara

Të ngjashme

Foto lajm