Google ADS

Kundërshtuan deportimin e një studenti nga Afganistani, studentët gjermanë përleshen me policinë

20:29 | 31 Maj 2017
Trina Galanxhi

Të paktën nëntë oficerë policie kanë mbetur të plagosur gjatë përleshjeve të dhunshme mes policinë në qytetin gjerman të Nurnbergut, ku një grup studentësh u përpoqën të ndalonin policinë që të deportonte një student nga Afganistani.

Incidenti ka ndodhur gjatë kohës kur policia po e fuste në furgon studentin afgan nga shkolla profesionale teknike e vendosur jo shumë larg Berliner Platz në Nurnberg, transmeton portali arbresh.info

Në fillim një grup prej 20 studentash janë përpjekur të bllokojnë makinën që transportonte studentin.

Protestës spontane i janë bashkuar edhe studentët tjerë, si dhe kalimtarë të rastit.

Sipas Sueddeutsche Zeitung për një orë janë mbledhur rreth 300 protestues, ku edhe ka eskaluar protesta.

Polica ka përdorur shkopinjtë e gomës dhe sprej për të larguar protestuesit.

Sueddeutsche Zeitung shkruan se nëntë policë janë lënduar, ndërsa asnjë nga protestuesit nuk është lënduar. Në lidhje me incidentin janë arrestuar tre persona./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm