Presidenti ukrainas Volodymyr Zelenskyy u takua sot me kryetaren e Dhomës së Përfaqësuesve të SHBA-së Nancy Pelosi në kryeqytetin Kiev, njoftoi presidenca, transmeton Anadolu Agency (AA).
Zelenskyy falënderoi Pelosin dhe ndau një video të vizitës së saj, e cila nuk u njoftua paraprakisht.
“Ju jam mirënjohës për këtë sinjal të mbështetjes së fortë nga Shtetet e Bashkuara”, tha ai në një deklaratë.
Ai gjithashtu i dha Pelosit Urdhrin e Princeshës Olga për “kontributin e saj të rëndësishëm personal” në forcimin e bashkëpunimit SHBA-Ukrainë dhe mbështetjen e Ukrainës “sovrane, të pavarur dhe demokratike”.
Pelosi konfirmoi udhëtimin, duke thënë se delegacioni i Kongresit udhëtoi në Kiev “për të dërguar një mesazh të pagabueshëm dhe tingëllues për gjithë botën: Amerika qëndron fort me Ukrainën”.
Kryetarja e Dhomës tha se mbështetja shtesë e SHBA-së është në rrugë e sipër, pasi ajo shpreson të kalojë një paketë ndihme prej 33 miliardë dollarësh për Ukrainën, të kërkuar nga presidenti Joe Biden.
Delegacioni do të udhëtojë gjithashtu në Poloni, e cila ka pranuar numrin më të madh të refugjatëve ukrainas, për të falënderuar udhëheqjen e saj “për përkushtimin dhe përpjekjet e tyre humanitare”.
Mira Murati, shefe e teknologjisë së OpenAI, largohet nga ko...
Rohde: Kosova mund t’i kursejë deri në 55 milionë euro në vi...
Pamje nga aksidenti zingjiror në Fushë Kosovë ku mbetën të l...
Veliaj me shqiptarët në Amerikë: Takim fantastik i Ramës, vo...
Në deponinë e mbeturinave Gjilan u asgjësuan 19750 kg peshk
Shefi i ushtrisë izraelite: Po përgatitemi për një operacion...