Kryeqytetit të Indisë po i mbaron edhe hapësira për djegien e trupave

21:51 | 30 Prill 2021
L G

Zyrtarëve në New Delhi iu është kërkuar të gjejnë më shumë vende për djegien e trupave, pasi morgjet dhe krematoriumet e qytetit janë të mbingarkuara nga numri masiv i viktimave si pasojë e COVID-19.

Sipas BBC, përcjell Telegrafi, një valë e dytë e coronavirusit po shkakton dëme të rënda në pjesë të Indisë, derisa 386 mijë raste të reja u raportuan të premten; kjo vlerësohet të jetë shifra më e lartë një-ditore e regjistruar ndonjëherë në botë.

India gjithashtu raportoi 3,500 viktima në të gjithë vendin dhe gati 400 sosh në Delhi – një rekord për kryeqytetin.

Numri i përgjithshëm i rasteve si pasojë e COVID-19 në Indi u rrit në mbi 18 milionë.

Dërgesa e parë e furnizimeve të urgjencës mjekësore nga SHBA-ja arrit të premten, pjesë e asaj që Shtëpia e Bardhë ka potencuar se do të jenë më shumë se 100 milionë dollarë të ndihmesave.

Sidoqoftë, furnizimet me oksigjen dhe shtretërit spitalorë ende janë në mungesë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm