Kryeministri turk do të vizitojë Vietnamin

23:01 | 4 Gusht 2017
Trina Galanxhi

Kryeministri i Turqisë, Binali Yildirim, do të bëjë një vizitë zyrate në Vietnam dhe Singapor në fund të muajit gusht.

Gjatë takimeve në dy vendet pritet të diskutohet për çështje ekonomike dhe takime bilaterale, duke shënuar kështu edhe herën e parë që një kryeministër turk viziton Vietnamin, transmeton portali arbresh.info

Yıldırım do të marrë pjesë në Forumet e Biznesit të Vietnamit dhe Singaporit të organizuar nga Bordi i Marrëdhënieve të Jashtme Ekonomike të Turqisë (DEIK) më 20-24 gusht dhe do të ketë bisedime zyrtare mbi rritjen e vëllimit të tregtisë midis Turqisë dhe dy vendeve aziatike.

Vëllimi i tregtisë mes Turqisë dhe Vietnamit arriti në 100 milionë dollarë në vitin 2004 dhe përkundër rënies globale që nga ajo kohë, kjo vlere ka arritur në rreth 2.2 miliardë dollarë në vitin 2014.

Pritet gjithashtu që vendet të nënshkruajnë marrëveshje tregtare me qëllim përmirësimin e marrëdhënieve ekonomike./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm