Kryeministri spanjoll Pedro Sánchez ka thënë se do të qëndrojë si lider i Spanjës, pas pesë ditësh spekulimesh për të ardhmen e tij.

Sánchez anuloi angazhimet zyrtare javën e kaluar pasi një gjykatë hapi një hetim fillestar ndaj gruas së tij mbi pretendimet për korrupsion, shkruan BBC transmeton Arbresh.info.

Ai i denoncoi ato si një fushatë ngacmimi nga mediat e djathta.

Sánchez tha se ai vendosi të qëndrojë në ndjekjen e “shprehjeve të solidaritetit nga të gjitha shtresat e shoqërisë”.

Një seri demonstratash u mbajtën në mbarë Spanjën gjatë fundjavës, duke kërkuar që kryeministri të vazhdojë në postin e tij. Më shumë se 10,000 njerëz u mblodhën para selisë së Partisë Socialiste (PSOE) në Madrid, në shenjë mbështetjeje nga kryeministri.

“Falë këtij mobilizimi, unë kam vendosur të vazhdoj të udhëheq presidencën,” tha Sánchez, duke u zotuar të vazhdoj “me më shumë forcë nëse është e mundur”.

“Kjo nuk ka të bëjë me fatin e një lideri – ka të bëjë me vendosjen se çfarë lloj shoqërie duam të jemi. Vendi ynë ka nevojë për këtë vetë-reflektim. Ne e kemi lënë baltën të njollosë jetën tonë publike për një kohë të gjatë,” tha ai.

Akuzat kundër gruas së Sánchez, Begoña Gómez, u ngritën kundër saj nga organizata Manos Limpias (Duart e Pastra), e udhëhequr nga një njeri i lidhur me të djathtën ekstreme të quajtur Miguel Bernad.

Të enjten, prokurori publik i Madridit bëri thirrje që hetimi të mbyllet për mungesë provash. Manos Limpias pranoi gjithashtu se akuzat mund të ishin të pasakta sepse ato bazoheshin në histori të gazetave në internet – njëra prej të cilave tashmë është dëshmuar të jetë e rreme./Arbresh.info