Koronavirusi në Nigeri infekton më shumë se 56 mijë persona

10:21 | 18 Shtator 2020
Arbresh.info

Numri i përgjithshëm i rasteve me koronavirus është rritur në 56.735, përfshirë 1.093 vdekje, njoftoi Qendra nigeriane për Kontrollin e Sëmundjeve.

Nigeria sot ka raportuar mbi 130 raste tjera me koronavirusin e ri (COVID-19) dhe dy viktima.

Numri i përgjithshëm që nga marsi është rritur në 56.735, përfshirë 1.093 vdekje, njoftoi Qendra nigeriane për Kontrollin e Sëmundjeve (NCDC).

Deri më tani së paku 48.092 pacientë janë shëruar nga COVID-19.

Rastet dhe fatalitetet janë regjistruar në 36 shtete dhe Territorin e Kryeqytetit Federal të Nigerisë.

Me mbi 18.700 raste, kryeqyteti tregtar Lagos mbetet qyteti më i goditur nga COVID-19. Më pas ndiqet nga Territori i Kryeqytetit Federal, i cili përfshin kryeqytetin Abuja, me pothuajse 5.500 raste dhe shteti jugperëndimor Oyo, ku më shumë se 3.200 raste janë konfirmuar deri më tani.

Që nga dhjetori i kaluar COVID-19 ka marrë jetën e mbi 946.000 personave në të gjithë botën./AA/

Shpërndaje në rrjete sociale

Lajmet më të lexuara

Të ngjashme

Foto lajm