Zyra për Statistika Kombëtare në Holandë tha të martën se numri i vdekjeve këtë vit ka shkuar në nivelin më të lartë që nga Lufta e Dytë Botërore për shkak të pandemisë së koronavirusit.
Deri javën e kaluar, në shtetin me 17 milionë banorë këtë vit janë regjistruar rreth 162.000 vdekje, 13.000 më shumë sesa që do të priteshin në një vit normal, tha ky institucion.
“Një rritje e tillë e numrit të të vdekurve nuk është raportuar që nga Lufta e Dytë Botërore”, thuhet në deklaratën e Zyrës për Statistika Kombëtare.
Zyra tha se rreth 9.000 persona më shumë se zakonisht kanë vdekur gjatë valës së parë të pandemisë, nga fillimi i marsit deri në fillim të majit, ndërsa 6.000 njerëz më shumë kanë vdekur që nga fillimi i valës së dytë në mesin e shtatorit.
Ndryshe, Holanda deri më tani ka regjistruar mbi 770.000 raste të koronavirusit, ndërsa mbi 11.000 persona kanë vdekur nga pandemia, shkruan Reuters, transmeton Gazeta Express.
Sidoqoftë, shifrat e vërteta të infeksioneve dhe rasteve fatale ka gjasë të jenë shumë më të mëdha për shkak se mungesa e testeve dhe kapaciteteve laboratorike kanë ndikuar që vetëm personat e sëmurë rëndë janë testuar në muajt e parë të pandemisë.
Kurti në Paris, fton kompanitë franceze që të investojnë në ...
Ëndërroni gjëra të bukura, përse është më mirë të flini në k...
Ushqimet për një fytyrë pa rrudha
Pse ndonjëherë kemi frikë nga përballjet?
Venezuelë, arrestohen pesë persona të akuzuar për komplot ku...
Janjiq: Luhatjet politike rreth njohjes së Kosovës të panevo...