Dy ekipe të ndryshme kërkimi në Nju Jork kanë thënë se qarkullimi i koroanvirusit në qytet me shumë gjasa ka shkuar në SHBA nga Evropa.

Ekipet hulumtuese në disa prej spitaleve më të mëdha në Nju Jork vendosën hartën e kodit gjenetik të virusit dhe e krahasuan me sekuencat ekzistuese në botë, transmeton portali arbresh.info.

Ekspertët kanë shpërndarë publikisht sekuencat e plota të gjenomit të koronavirusit që shkakton COVID-19 për të parë se si pëson mutacion dhe të kuptohet më mirë se si është përhapur në botë.

Sekuenca e gjenomit është e kompozuar e tëra nga shkronja kimike që e bëjnë proteinën dhe RNA-në e virusit.

“Ndërsa viruset evoluojnë gjatë transmetimit nga një person në tjetrin, sekuencat e tyre mund t’i ndihmojnë studiuesit të provokojnë origjinën, ose vendin e origjinës, të këtij infeksioni specifik”, tha Matija Snuderl, drejtoresha e patologjisë molekulare në Shkollën e Mjekësisë Grossman të Universitetit të Nju Jorkut (NYU), ku është kryer një nga studimet.

Ekipi në NYU përdori kampione nga 91 pacientë në tre spitale të veçanta dhe përcaktoi që virusi kishte qarkulluar në Nju Jork për të paktën dy muaj.

Ata gjithashtu zbuluan se shumica e kodeve të virusit treguan se ato kishin origjinën në Evropë.

Një ekip i veçantë i studiuesve në Mount Sinai, një nga sistemet më të mëdha spitalore në Shtetet e Bashkuara, renditi 90 gjenom të koronavirusit nga 84 pacientë që testuan pozitivisht për COVID-19.

Këto mostra kanë ardhur kryesisht nga burime amerikane dhe evropiane, ekipi përfundoi, në hulumtimin që u lëshua para rishikimit nga kolegët, si shumica e studimeve të reja të koronavirusit.

“Këto rezultate tregojnë se SARS-CoV-2 erdhi në zonën e qytetit të Nju Jorkut kryesisht përmes Evropës përmes transmetimeve të pakontestuara”, tha Dr Viviana Simon, një profesore e mikrobiologjisë dhe sëmundjeve infektive në Shkollën e Mjekësisë në Mount Sinai’s Icahn.

“Studimi sugjeron gjithashtu se virusi ka gjasë të ketë qarkulluar që në fund të janarit të vitit 2020 në zonën e New York City”.

Vetëm një nga rastet e studiuara duket se vinte nga Azia dhe ishte më së afërmi i lidhur me mostrat e virusit nga shpërthimi në Seattle, Washington State./arbresh.info/