Koreja e Jugut kryen stërvitje raketore pas testimeve të Veriut

08:06 | 4 Shtator 2017
Arbresh.info

Ushtria e Koresë së Jugut ka kryer stërvitje raketore në përgjigje ndaj testit të gjashtë bërthamor të Koresë së Veriut, ndërsa tregjet botërore eskaluan dukshëm pas tensioneve në mes të Phenianit dhe SHBA-ve, raporton Reuters.

Këshilli i Sigurimit të OKB-së pritet të mblidhet më vonë për të diskutuar sanksionet më të reja kundër regjimit të izoluar, kurse presidenti amerikan Donald Trump ka kërkuar të njoftohet për opsionet e mundshme ushtarake, transmeton portali arbresh.info

Forcat ajrore dhe ushtria e Koresë së Jugut kryen stërvitje që përfshijnë raketa të rrezes së gjatë të veprimit, raketa ajër-sipërfaqe dhe raketa balistike, thanë shefat e përbashkët të personelit në një deklaratë.

Stërvitja e të hënës u krye vetëm nga ushtria e Koresë së Jugut, por më shumë ushtrime ishin duke u përgatitur me forcat amerikane në vend./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm