Konfirmohet, trupi i masakruar është i gazetares suedeze

08:48 | 23 Gusht 2017
Arbresh.info

Policia daneze ka identifikuar torson pa kokë të gjetur në ujërat e Kopenhagës si gazetaren suedeze Kim Wall, për të cilën policia beson që është vrarë në një nëndetëse.

“ADN-ja përputhet me torson e gjetur dhe Kim Wall”, ka thënë policia në Twitter, duke refuzuar të tregojë më shumë, raporton Reuters, transmeton arbresh.info

Shpikësi danez Peter Madsen, i akuzuar për vrasjen e Wall në nëndetësen e bërë nga ai, i ka thënë gjykatës që ajo kishte vdekur në një aksident dhe se ai e kishte “varrosur” në det, duke ndryshuar kështu deklaratën e mëparshme se e kishte lënë të gjallë në Kopenhagë.

Trupi i pajetë u gjet të hënën nga një çiklist dhe policia kishte thënë se ishte herët për ta identifikuar trupin, meqë mungonin koka, këmbët dhe duart./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm