Organizata e Kombeve të Bashkuara (OKB) tha se një hetim ndërkombëtar në lidhje me vrasjen e gazetarit saudit Jamal Khashoggi do të ishte i mirëpritur, raporton Anadolu Agency (AA).
Duke iu përgjigjur një pyetjeje të AA-së në lidhje me çështjen, zëdhënësja e Komisariatit të Lartë për të Drejtat e Njeriut në OKB, Elizabeth Throssell, tha se komisarja Michelle Bachelet tashmë ka theksuar nevojën për një hetim të pavarur, të paanshëm dhe llogaridhënie në vrasjen e gazetarit Khashoggi.
“Ekspertët ndërkombëtarë duhet të përfshihen në këtë proces duke u mundësuar qasje të plotë në prova dhe dëshmitarë”, tha Throssell, duke folur në lidhje me thirrjen e Turqisë për nisjen e një hetimi të pavarur ndërkombëtar.
“Do të mirëprisnim një gjë të tillë”, shtoi ajo.
Throsell nënvizoi se familja e Khashoggit dhe opinioni publik duhet t’i dinë të gjitha të vërtetat mbi vrasjen dhe drejtësia duhet “medoemos” të sigurohet.
Ndryshe, komentet e Throssell vijnë pasi ministri i Jashtëm i Turqisë, Mevlüt Çavuşoğlu më herët deklaroi në një program në CNN se një hetim ndërkombëtar mbase do të ishte më i dobishëm, pasi, siç tha ai, Arabia Saudite deri më tani nuk i ka ofruar Turqisë informacione.
“Turqia do të bashkëpunonte nëse iniciohet hetim ndërkombëtar”, ka thënë kryediplomati turk.
Maqedonci: Kosova ka mbështetjen e të gjithë partnerëve për ...
Tashmë e konfirmuar, Serie A merr vendimin për shtyerjen e n...
Maqedonci: Ushtarët asnjë ditë nuk kanë mbetur pa ushqim, as...
Arrestohen dy persona për zjarrëvënie të veturës në Ferizaj
Lirohet nga burgu Shaban Gogaj, i dënuar për vrasjen e Agoni...
Von der Leyen nesër në Kosovë, vizitën e nis me një takim me...