Kina po bëhet gati të shpall “fitoren” ndaj coronavirusit, presidenti kinez viziton qytetarët e Wuhanit

14:41 | 10 Mars 2020
L G

Presidenti kinez Xi Jinping ka vizituar sot qytetin e Wuhanit, dhe kjo është hera e parë që kur në këtë vend shpërtheu coronavirusi që më pas doli nga kontrolli dhe u përhap në tërë botën.

Vizita e Jinping po shihet si tentim për të shpallur “fitoren” e krizës shëndetësore, pasi virusi vdekjeprurës ua mori jetën 3.136 persona në Kinë kurse në tërë botën shkoi në 4.062, transmeton Telegrafi.

Vendimi për ta vizituar këtë qytet që konsiderohej si vatra e virusit, vjen në javën kur autoritet mbyllen të gjitha spitalet e përkohshme që ishin ndërtuar brenda pak ditëve.

Ai madje inspektoi spitalin me njëmijë shtretër që u përfundua për 10 ditë – dhe qëllimi i ndërtimit të tij ishte trajtimi i të prekurve me coronavirusi.

Raportohet se gjatë 24 orëve të fundit janë raportuar vetëm 19 raste të reja me coronavirus si dhe 17 viktima, që po cilësohet si numri më i vogël i të prekurve që kur shpërtheu epidemia në Kinë.

Shpërndaje në rrjete sociale

Lajmet më të lexuara

Të ngjashme

Foto lajm