Kina sot bëri të ditur se ka dëbuar një anije luftarake amerikane nga ujërat e saj territoriale të diskutueshme në Detin e Kinës Jugore.

Një zëdhënës i Komandës Jugore të Ushtrisë Çlirimtare të Popullit Kinez (PLA) tha se një shkatërrues i raketave i drejtuara nga SHBA-ja kishte ndërhyrë në kufijtë detarë të Kinës, njofton e përditshmja kineze “Global Times”.

“Komanda Jugore e PLA-së gjurmoi, monitoroi dhe paralajmëroi shkatërruesin USS Benfold kur ai shkeli ujërat territoriale kineze pranë ishujve Xisha pa autorizimin e qeverisë kineze”, citohet të ketë thënë zëdhënësi i Komandës, Tian Junli.

Zhvillimet më të fundit erdhën në një ditë që shënon përvjetorin e pestë të vendimit të Arbitrazhit të Detit të Kinës Jugore nga Gjykata e Përhershme e Arbitrazhit e mbështetur nga OKB-ja me bazë në Hagë duke favorizuar Filipinet në korrik të vitit 2016, duke zhvlerësuar pretendimin territorial të Kinës me nëntë vija mbi Detin e Kinës Jugore. Pekini ka hedhur poshtë vendimin.

“Hapi i ushtrisë amerikane cenoi seriozisht sovranitetin dhe sigurinë e Kinës, dëmtoi paqen dhe stabilitetin në Detin e Kinës Jugore. Kjo shënon një dëshmi tjetër të pakundërshtueshme të militarizimit të SHBA-së në rajon me hegjemoni të lundrimit”, tha Junli.

Deti i Kinës Jugore pretendohet nga Kina dhe disa vende të tjera të rajonit dhe operacionet e vazhdueshme detare të SHBA-së në ngushticën e Tajvanit kanë zemëruar Pekinin.//AA