Kim Jong Un kërcënon SHBA-në me armë bërthamore: Reagojmë menjëherë nëse na provokoni

23:07 | 21 Dhjetor 2023
KRG

Lideri komunist i Koresë së Veriut, Kim Jong Un, ka kërcënuar Shtetet e Bashkuara të Amerikës se mund të kryejë një sulm bërthamor, nëse do të provokohet me armë bërthamore.

Lajmi është bërë i ditur nga media shtetërore e Penianit, ndërsa ky paralajmërim vjen pas një takimi mes përfaqësuesve të Koresë së Jugut dhe të Shteteve të Bashkuara të Amerikës javën e kaluar në Uashington, ku sipas mediave ndërkombëtare u diskutua mbi parandalimin e sulmeve bërthamore të mundshme nga Koreja e Veriut.

Megjithatë, sipas medias shtetërore të Koresë së Veriut, Kim Jong Un dyshohet të ketë dhënë urdhër që të mos ketë hezitim për nisje të sulmeve bërthamore kur armiku mund ta provokojë atë me armë bërthamore.

Menjëherë pas këtij lajmi kanë reaguar Uashingtoni, Seuli dhe Tokio, të cilët i kërkojnë shtetit komunist që të ndalojë provokimet dhe të pranojë thirrjen për dialog pa kushte./A2CNN

Shpërndaje në rrjete sociale

Lajmet më të lexuara

Të ngjashme

Foto lajm