Kievi e ka fituar betejën, thotë Sekretari amerikan i Shtetit

23:43 | 25 Prill 2022
Trina Galanxhi

Sekretari amerikan i Shtetit, Antony Blinken, ka deklaruar se “Kievi e ka fituar betejën”, por ka pjesë të tjera të Ukrainës ku forcat ruse “vazhdojnë të kryejnë mizori”.

“Ne pamë njerëz në rrugë dhe prova të qarta se beteja për Kievin është fituar”, shkroi në mediat sociale Blinken, i cili ka vizituar Ukrainën me sekretarin amerikan të mbrojtjes Lloyd Austin, transmeton portal arbresh.info

“Por, ne e dimë se kjo është në kontrast të plotë me pjesët tjera të Ukrainës, ku ushtria ruse vazhdon të kryejë mizori”, tha ai.

Presidenti i Ukrainës Volodymyr Zelenskyy i përshëndeti bisedimet me Blinken dhe Austin si “inkurajuese” dhe “efektive” dhe tha se SHBA po ofronte mbështetje “të fuqishme” për vendin e tij.

Zelenskyy shtoi se ata kishin rënë dakord “për hapa të mëtejshëm për të forcuar forcat e armatosura të Ukrainës dhe për të përmbushur të gjitha nevojat prioritare të ushtrisë sonë”./sky/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm