Një fushë mbeturinash është zbuluar brenda zonës së kërkimit nga një ROV pranë Titanikut, sapo ka njoftuar Roja Bregdetare e SHBA.
Ekspertët brenda komandës së unifikuar janë duke vlerësuar informacionin, shkruan BBC.
Nëndetësja e vogël me 5 persona në bord u zhduk 3 ditë më parë në veri të oqeanit Atlantik, teksa ishte zhytur në thellësitë e tij për të parë mbetjet e “Titanic”.
Kush po kërkon dhe çfarë kanë gjetur?
Roja Bregdetare e SHBA vazhdon të udhëheqë kërkimin kompleks mbi një sipërfaqe të oqeanit “më të madhe se shteti i Connecticut”, rreth 20,000 km katrorë.
Një aeroplan kanadez P-3 zbuloi “zhurmat nënujore” në zonën e kërkimit, sipas rojës bregdetare.
Të dhënat nga avioni P-3 janë zbulimi i parë i mundshëm në kërkimin tre-ditor, duke drejtuar kërkimet drejt një lokacioni të caktuar.
Ekipet e shpëtimit nga marina, forcat ajrore dhe Roja Bregdetare e Kanadasë si dhe roja ajrore e Nju Jorkut po ndihmojnë në gjetjen e nëndetëses.
Një anije kërkimore franceze i është bashkuar gjithashtu përpjekjeve.
Nëndetësja Titan mendohet të jetë afërsisht 900 milje (1,450 km) në lindje dhe 400 milje (643 km) në jug të kryeqytetit të Newfoundland, St Johns.
Kontakti u humb një orë e 45 minuta pas zhytjes së nëndetëses, në vendin e mbytjes së Titanikut, i cili shtrihet në një thellësi prej 3,800 m.
Kush janë personat që ndodhen në bordin e nëndetëses?
Hamish Harding, një eksplorues dhe biznesmen britanik 58-vjeçar, i cili është kryetar i firmës së avionëve “Action Aviation”;
Biznesmeni miliarder pakistanez Shahzada Dawood dhe djali i tij Suleman;
Është raportuar gjerësisht se Stockton Rush, CEO i OceanGate – kompania që organizoi misionin – është në bord gjithashtu;
Eksploruesi francez 73-vjeçar, Paul-Henry Nargeolet, mendohet të jetë gjithashtu në bord, sipas një postimi në Facebook nga Harding para fillimit të zhytjes.
Për një javë policia shqiptoi afro dy mijë gjoba trafiku në ...
Lajçak: Dy javët e fundit, fokusin e kisha në dialog
“Travel and Tour World”: Shqipëria moment historik të ri në ...
Rama ndan pamjet: Punimet në urën mbi lumin e Tiranës janë r...
Sot mbahet protestë solidarizuese me punëtoret teknike të Ku...
Ngjarjet e paralajmëruara për sot