Katër njerëz besohet se janë plagosur sot pas një sulmi me thikë brenda një spitali në Shanghai. Policia e zonës Huangpu rrethoi shpejt spitalin Ruijin mëngjesin e sotëm pas raportimeve për goditje me thikë, sipas The Guardian
Kur mbërritën në spitalin e kryeqytetit kinez oficerët gjetën sulmuesin që po mbante një grup njerëzish peng.
“Policia në vendngjarje gjeti sulmuesin e armatosur me thikë që mbante peng një grup njerëzish në katin e shtatë të spitalit”. Kur i dyshuari tentoi të lëndonte pengjet apo dhe policinë, oficerët qëlluan duke e plagosur dhe eliminuar rrezikun”, thanë autoritetet.
Aktualisht motivet e sulmit mbeten të paditura. Video të shpërndara në rrjetet sociale tregonin kaosin kur mjekët dhe vizitorët rrëzonin përtokë objekte teksa tentonin të largoheshin.
Disa doktorë shiheshin që shtynin pacientët në karrige me rrota. Në një tjetër video në rrjetet sociale shihen dhjetra njerëz të tronditur që dalin nga ndërtesa.
Një prej dëshmitarëve tha për mediat: “Është shokuese, çfarë i ka ndodhur kësaj shoqërie?”
Krimet masive janë të rralla në Kinë, vend në të cilin ndalohen armët e zjarrit, por sulmet me thika ndodhin shpesh. Muajin e kaluar një 23-vjeçar u vra në mes të ditës me thikë në qytetin Ningbo dhe pamjet e sulmit u bënë virale në rrjetet sociale.
Ndërsa dhuna në spitalet kineze është e zakonshme në Kinë. Sistemi shëndetësor i vendit shfrytëzohet nga sekserë që shesin rekomandime për vizita dhe korrupsioni shton shumë kostot e trajtimeve, sipas mediave perëndimore./arbresh.info/
Policia ende në kërkim të të dyshuarit për vrasjen e 42-vjeç...
Dy profesorë të UP-së, në top 2% të shkencëtarëve më të mirë...
Gara për drejtuesin e policisë, Hoxha: Procesi po monitorohe...
Kurti: Kosova një fener i demokracisë dhe të drejtave të nje...
Kurti viziton pavijonin e Kosovës në Bienalen e Venedikut
Policia në Gjilan ligjëron fëmijët për siguri në komunikacio...