Kanadaja do të furnizojë Ukrainën me armë antitank dhe municione të përmirësuara për të mbështetur luftën e saj kundër një pushtimi rus, tha të hënën kryeministri Justin Trudeau.
Ai ka theksuar se Kanada do të ndalojë importet e naftës së papërpunuar ruse, shkruan Reuters, transmeton portal arbresh.info
“Kanada do të vazhdojë të ofrojë mbështetje për mbrojtjen heroike të Ukrainës kundër ushtrisë ruse,” u tha Trudeau gazetarëve në Otava. “Ne po shpallim synimin tonë për të ndaluar të gjitha importet e naftës së papërpunuar nga Rusia, një industri përmes së cilës kanë përfituar shumë Vladimir Putin dhe oligarkët e tij”.
Kanada ka dërguar armë në Ukrainë dhe ka mbështetur një sërë sanksionesh, duke përfshirë mbështetjen e heqjes së Rusisë nga sistemi SËIFT për pagesat bankare ndërkombëtare.
“Ne po ofrojmë edhe më shumë ndihmë vdekjeprurëse për Ukrainën dhe do të dërgojmë 100 sisteme të armëve antitank Carl Gustaf dhe 2000 raketa, të cilat do të punojmë për t’i dorëzuar sa më shpejt të jetë e mundur,” tha Ministrja e Mbrojtjes ,Anita Anand.
Sipas Statistikave të Kanadasë, Kanada ka importuar produkte energjetike ruse me vlerë 289 milionë dollarë në vitin 2021./arbresh.info/
Tre shenja që shkojnë mirë me Peshoren
Anketa: Harris mbështetje më të madhe se Trump mes votuesve ...
“Armatimi ishte futur me automjete edhe atë natë”, Drejtori ...
Real Madrid arkëton tri pikët e radhës në La Liga
Miftaraj: Aktakuza për Banjskën, më profesionalja në histori...
Lajçak dhe diplomatët amerikanë flasin për dialogun Kosovë-S...