Jordania ka rritur çmimin e bukës deri në 100 përqind pas heqjes së subvencioneve në lëndën kryesore, në përpjekje për të korrigjuar ekonominë e saj.
Masa pritet të ndikojë negativisht te jordanezët me të ardhura të ulta, për të cilët buka e sheshtë (pitta) është pjesë thelbësore e ngrënies, transmeton portali arbresh.info
Çmimi i një kilogram bukë të bardhë u rrit me 100 për qind nga 16 piastra në 32 piasterë (0.45 dollarë), ndërsa çmimi i bukës më të vogël të sheshtë u rrit me më shumë se 67 për qind.
Buka e sheshtë e njohur si “tabu” është element kryesor në tavolinat e darkave në Jordani që kryesisht kanë të ardhura të vogla.
Agjencia zyrtare e lajmeve Petra, duke cituar ministrinë e tregtisë dhe industrisë, tha se çmimet e reja do të mbeten në fuqi deri më 31 dhjetor.
Në fillim të këtij muaji Qeveria ka vendosur që të rrisë çmimet e bukës dhe karburantit, ndërsa ka rritur edhe taksën për vlerën e shtuar për mallrat, duke përfshirë cigare, pije të gazuara dhe stolitë./arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite