Johnson: Trump e meriton Nobelin nëse zgjidh problemet me Iranin dhe Korenë Veriore

20:45 | 7 Maj 2018
Trina Galanxhi

Sekretari i Jashtëm i Britanisë së Madhe, Boris Johnson ka deklaruar se presidenti i SHBA-ve, Donald Trump do të meritonte Çmimin Nobel për Paqe, nëse ai do t’ia dilte të zgjidhte problemet me Iranin dhe gadishullin Korean.

“Nëse Trump ia del që të rregullojë situatën me Korenë Veriore dhe marrëveshjen bërthamore të Iranit, atëherë unë nuk e kuptoj pse ai të mos e merr Çmimin Nobel të Paqes”, tha Johnson për Sky News, transmeton portali arbresh.info

Johnson mendon se këto dy fitore do të bënin Trumpin më favorit për Çmimin Nobel të Paqes sesa Barack Obama.

Obama fitoi çmimin në vitin 2009 për “përpjekjet e tij të jashtëzakonshme për të forcuar diplomacinë dhe bashkëpunimin ndërkombëtar midis popujve”, sipas Komitetit Norvegjez të Nobelit.

Boris Johnson ndodhet në vizitë dy ditore në SHBA, ku është duke u përpjekur që të parandalojë Trumpin të tërhiqet nga marrëveshja bërthamore me Iranin./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm