Google ADS

Johnson: Britania do ta gjykojë Putinin bazuar në veprimet e tij

18:11 | 29 Mars 2022
KRG

Zëdhënësi i kryeministri britanik Boris Johnson, tha se Britania dëshiron që trupat ruse plotësisht të tërhiqen nga Ukraina – duke u zotuar se do ta gjykojnë Rusinë bazuar në veprimet e jo fjalët e saj.

I pyetur nëse ishte inkurajues premtimi i Rusisë për të ulur intensitetin ushtarak përreth Kievit dhe në veri të Ukrainës, zëdhënësi i kryeministrit britanik theksoi se “do ta gjykojnë Putinin dhe regjimin e tij bazuar në veprimet e tyre e assesi sipas fjalëve”, transmeton Telegrafi.

Megjithatë, pranoi se luftimet po vazhdojnë dhe se ka pasur bombardime të fuqishme në Mariupol dhe në zonën përreth këtij qyteti.

“Ne nuk duam të shohim asgjë tjetër më pak sesa tërheqjen e plotë të forcave ruse nga territori i Ukrainës”, shtoi ai.

Në anën tjetër, Sekretari amerikan i Shtetit, Antony Blinken, ka thënë sot se Shtetet e Bashkuara nuk kanë parë “ndonjë shenjë të seriozitetit” nga Rusia, lidhur me një marrëveshje paqeje që kur filloi pushtimin e Ukrainës.

Shpërndaje në rrjete sociale

Lajmet më të lexuara

Të ngjashme

Foto lajm