Joe Biden e ripërsërit se Putin është kriminel lufte: Ai njeri është brutal

17:25 | 4 Prill 2022
A. B.

Gjatë një konference për media, presidenti amerikan Joe Biden është pyetur lidhur me imazhet rrëqethëse nga Bucha në veriperëndim të Kievit, ku janë masakruar civilët nga ushtria ruse.

“Mund t’ju kujtohet që jam kritikuar kur e kam quajtur Putinin kriminel lufte. Epo, e patë se çfarë ndodhi në Bucha… Ai është kriminel lufte”, tha Biden.

“Duhet të mbledhim informata… duhet të vazhdojmë ta mbështesim Ukrainën me armët që kanë nevojë për të vazhduar luftën, dhe duhet të kryejmë të gjitha punët tjera që të ketë gjykim për krime të luftës. Ky njeri është brutal”, shtoi presidenti amerikan.

Ndërkaq i pyetur se cila do të jetë përgjigja e Shteteve të Bashkuara lidhur me këtë, Biden tha se “presin të vendosin më shumë sanksione kundër Rusisë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm