Google ADS

Jerusalemi: Turqia paralajmëron Trumpin për kalimin e “vijës së kuqe”

20:08 | 5 Dhjetor 2017
Trina Galanxhi

Presidenti turk ka paralajmëruar se mund të shkëpusë lidhjet me Izraelin nëse Shtetet e Bashkuara e njohin Jerusalemin si kryeqytet të saj.

Recep Tayyip Erdogan ka deklaruar se një lëvizje tillë do të thotë kalim i “vijës së kuqe” për myslimanët, shkruan BBC, transmeton portali arbresh.info

Donald Trump ka biseduar me të gjithë liderët e Lindjes së Mesme, në mes të paralajmërimeve për lëvizjen.

Mediat amerikane thonë presidenti do të ndryshojë në mënyrë dramatike pozicionin e SHBA-ve për statusin  e Jerusalemit gjatë kësaj jave. Fati i saj është një nga çështjet më të ashpra midis Izraelit dhe palestinezëve.

Izraeli gjithmonë e ka cilësuar Jerusalemin si kryeqytet të saj, ndërsa palestinezët pretendojnë se Jerusalemi Lindor është kryeqyteti i një shteti të ardhshëm palestinez.

Turqia dhe Izraeli rivendosën marrëdhëniet diplomatike vitin e kaluar, gjashtë vjet pasi Turqia ndërpreu lidhjet në shenjë proteste për vrasjen e nëntë aktivistëve turq pro-palestinezë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm