Ministri i Mbretërisë së Bashkuar për Evropën, James Cleverly, tha se oferta e fundit e Rusisë për një armëpushim dhe një rrugë shpëtimi për civilët ishte “cinike e pabesueshme”, transmeton arbresh.info.
Dy përpjekjet e mëparshme për të krijuar korridore humanitare kanë përfunduar me granatimet e civilëve teksa ata përpiqeshin të iknin drejt sigurisë.
Rrugët e evakuimit të publikuara nga agjencia ruse e lajmeve RIA Novosti treguan se civilët do të mund të largohen vetëm në Rusi dhe Bjellorusi.
“Duket cinike përtej besimit. Ekziston një pikëpamje që Vladimir Putin besonte se ekzistonte një dëshirë e përhapur e ukrainasve për të qenë më afër Rusisë, për të qenë më rusë. Mendoj se kjo është një absurditet i plotë nga rrethanat që po shohim. Sigurimi i rrugëve të evakuimit në krahët e vendit që aktualisht po shkatërron tuajin është një marrëzi”, deklaroi ai për BBC.
Sipas tij, gjëja më humanitare që rusët mund të bëjnë është t’i japin fund këtij pushtimi krejtësisht të paligjshëm, krejtësisht të pajustifikuar të Ukrainës./arbresh.info/
Irani prezanton raketë dhe dron të ri mes tensioneve në rrit...
Drita konfirmon lëndimet e rënda të dy lojtarëve, humbin gat...
“Nuk ka gjë më të vështirë sesa të jetosh si refugjat në qyt...
Kosova aderon në Konventën e Stambollit në Organizatën Botër...
Zelensky: SHBA-ja dhe Britania s’lejojnë përdorimin e raketa...
Osmani ndan tjera fotografi nga pritja në West Point: Falemi...