Google ADS

Jahti rus kapet nga Koreja e Veriut

10:44 | 16 Qershor 2017
Arbresh.info

Një jaht rus me tre persona në bord raportohet të jetë kapur nga Koreja e Veriut.

Ambasada e Rusisë në Phenian ka konfirmuar që ajo tani është në portin e qytetit Rason, që është në pjesën veriore të vendit, transmeton portali arbresh.info.

Federata ruse e sporteve me vela tha më parë se një jaht me emrin Katalexa është kapur nga një anije e Koresë së Veriut në rrugë nga Tajvani në Vladivostok në Rusi.

Federata tha se anija ishte kapur në pjesën veriperëndimore të Detit të Japonisë pas largimit nga qyteti i Koresë së Jugut, Pohang, ku ajo i është nënshtruar riparimeve.

Ambasada tha se Katalexa u soll në portin e Koresë së Veriut të enjten mbrëma. Diplomatë rusë thonë se nuk u është dhënë asnjë shpjegim se pse anija ruse përfundoi atje.

Rason ndodhet në rajonin më verior të Kwanbuk të Koresë së Veriut në bregun e Paqësorit, në kufi me Rusinë dhe Kinën./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm