BE-ja do t’i ofrojë Turqisë tre miliardë euro tjera për refugjatët sirianë

21:49 | 13 Mars 2018
Arbresh.info

Ekzekutivi i Bashkimit Evropian pritet të miratojë tre miliardë euro shtesë për financimin e refugjatëve sirianë që jetojë në Turqi, transmeton portali arbresh.info

Sipas Reuters, që citon zyrtarët e BE-së, udhëheqësit e bllokut do të takohen me presidentin turk Recep Tayyip Erdogan me 26 mars në qytetin bullgar të Varnas, pavarësisht nga dyshimet e shumta në anën evropiane.

Marrëdhëniet e BE-së me Erdoganin kanë qenë të tensionuara viteve të fundit, por blloku varet nga Turqia për të frenuar fluksin e emigrantëve nga Lindja  e Mesme.

Zyrtari i lartë i emigracionit, Dimitris Avramopoulos, do të njoftojë të mërkurën se Komisioni Evropian propozon fonde shtesë për projektet që përfitojnë refugjatët sirianë në Turqi, sipas burimeve. Turqia ka pranuar 3.5 milionë refugjatë nga Siria dhe BE tashmë po shpenzon një këst të parë prej 3 miliardë eurosh për t’i ndihmuar ata./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm