Izraeli ka ngritur një padi kundër vejushë dhe fëmijëve të një burri palestinezë që ka vrarë 4 ushtarë hebrenj gjatë një sulmi me kamion. Izraeli kërkon kompenson prej 2 milion sikla (572,000 dollarë) për secilën viktimë. Autoritetet izraelite thonë se padia do të një taktikë kundër asaj që ata e quajnë terrorizëm.

Procedura e padisë është hapur nga Prokuroria e Rrethit në Jerusalem në bashkëpunim me Ministrinë e Mbrojtjes, kundër pasurisë së Fadi Al-Qanbar, i cili u qëllua për vdekje pas sulmit të tij në janar. Nga sulmi, mbetën të plagosur edhe 13 persona të tjerë.

Kjo padi, është një përpjekje për të rikuperuar shpenzimet në arkën e shtetit dhe për të dërguar një mesazh se shteti do të zgjidhë edhe llogaritë civile, transmeton ora news.

Të pandehurit janë e veja e Al-Qanbar, i cili ishte shtetas izraelit dhe katër fëmijët e tij, të moshave 1 deri 8 vjeç, shkruan izraelitja “Haaretz”.

“Duke pasur parasysh faktin se terroristi ka shkaktuar dëmin, trashëgimtarët e tij ligjorë janë ata që duhet të zhdëmtojnë shtetin për të”, thuhet në padi.

Shuma e përgjithshme e kërkuar prej 2.3 milion dollarë përfshin shpenzimet e varrimit, si dhe kompensimin e familjeve për humbjen e fitimeve të fituara nga ushtarët e vdekur.

Prokurorët i thanë “Haaretz” se padi të tjera të ngjashme janë në proces.

Ministri i Brendshëm Arye Dery premton “një epokë të re në betejën kundër terrorizmit”.

“Që tani e tutje, kushdo që planifikon ose konsideron kryerjen e një sulmi terrorist duhet ta dijë se familja e tij do të paguaj një çmim të rëndë për veprimin e tij”, tha ai në janar.