Forcat izraelite kanë bombarduar pa pushim zonat rreth dy spitaleve në Khan Yunis, qyteti më i madh në jug të Gazës. Zyrtarët shëndetësorë në Gaza thanë se të paktën 50 palestinezë ishin vrarë në 24 orët e fundit në Khan Yunis, duke përfshirë dy fëmijë nga një sulm ajror izraelit në një shtëpi.

כוחות אוגדה 98 פושטים על אתרים צבאיים ומחסלים עשרות מחבלים במרחב חאן יונס; תיעוד: חיסול חוליית מחבלים שירתה על כוחותינו במרכז הרצועה>> pic.twitter.com/bnI5HESvR7

— צבא ההגנה לישראל (@idfonline) January 25, 2024

Mjekët palestinezë theksojnë se tanket izraelite kanë bllokuar dy spitalet kryesore të qytetit që janë ende në funksion, Nasser dhe al-Amal, dhe po bombardojnë objektivat përreth tyre, duke bllokuar ekipet mjekësore, pacientët dhe personat e zhvendosur që janë strehuar brenda dhe përreth objekteve mjekësore.

Shumica e 2.3 milionë banorëve të Rripit të Gazës tani janë grumbulluar në Khan Yunis dhe qytete më të vogla më në veri dhe në jug, pasi u dëbuan nga pjesa veriore e enklavës në fazën e parë të operacioneve ushtarake të Izraelit.

Për më tepër, për shkak të bllokadës së spitaleve, të cilat Izraeli tha se Hamasi i përdor si baza për të nisur sulmet është e pamundur të transportohen të plagosurit dhe viktimat.

Komiteti Ndërkombëtar i Kryqit të Kuq (KNKK) njoftoi se më pak se 20% e enklavës palestineze, rreth 60 kilometra katrorë në jug, është strehë për 1.5 milionë njerëz, ndërsa paralajmëroi se “përshkallëzimi dramatik i konfliktit kërcënon mbijetesën e tyre”./abcnews.al