Izraeli liron me kusht tre turqit e arrestuar në Jerusalem

23:49 | 23 Dhjetor 2017
Trina Galanxhi

Tre shtetasit e Turqisë që ishin arrestuar nga forcat izraelite në Xhaminë Al-Aqsa në Jerusalem janë liruar me kusht.

Dy prej shtetasve turq , Abdullah Kızılırmak dhe Mehmet Kargılı, u akuzuan për “goditje ndaj policisë izraelite dhe rezistencës”, shkruan “Daily Sabah”, transmeton portali arbresh.info

Të dy të arrestuarit kishin arritur nga Belgjika në Jeruslaem dhe mbajnë shtetësi të dyfishtë.

I treti, Adem Koç, po përballet me akuza për “shqetësime të rendit publik”.

Sipas dëshmitarëve, policia izraelite bashkë me shtetasit e Turqisë kishte arrestuar edhe fëmijët.

Që nga njohja e Jerusalemit si kryeqytet i Izraelit nga ana e Donald Trump, vendi është duke u përballur me protesta të dhunshme./arbresh.info./

Shpërndaje në rrjete sociale

Lajmet më të lexuara

Të ngjashme

Foto lajm