Izraeli do të mbyllë kufirin me Rripin e Gazës

15:15 | 12 Maj 2018
Arbresh.info

Izraeli është duke planifikuar mbylljen e pikë kalimit kufitar Kerem Shalom me Rripin e Gazës, për shkak të dëmtimit.

Sipas ushtrisë izraelit, shkatërrimi ka lidhje me dhunën kufitare, që ka shpërthyer në një numër përpjekjesh nga palestinezët për të kaluar gardhin e sigurisë, transmeton portali arbresh.info.

“Kalimi do të mbetet i mbyllur derisa dëmi i shkaktuar nga trazirat të riparohet dhe do ta rihapim në përputhje me vlerësimin e situatës”, thuhet në deklaratën e ushtrisë izraelite.

Siç specifikohet nga ushtria, terminali Kerem Shalom, i përdorur për transferimin e mallrave brenda dhe jashtë Gazës, do të mbetet e hapur vetëm për rastet humanitare.

Situata përgjatë kufirit të Rripit të Gazës Izrael-Gaza ka qenë mjaft e tensionuar gjatë disa javëve të fundit, pasi palestinezët kanë mbajtur tubime masive pranë tij që nga 30 marsi./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm