Izraeli bën thirrje për evakuim të ri në Gazën veriore: Lufta hyn në një fazë të re

18:39 | 28 Tetor 2023
KRG

Ministri izraelit i Mbrojtjes, Yoav Gallad tha të shtunën se Izraeli kishte hyrë në një fazë të re në luftën kundër Hamasit pasi forcat tokësore përparuan në Gaza dhe ushtria bombardoi objektivat terroriste gjatë natës.

“Ne sulmuam mbi tokë dhe nën tokë, sulmuam terroristët e të gjitha rangjeve, në të gjitha vendet. Urdhrat për forcat janë të qarta: Operacioni do të vazhdojë derisa të ketë një urdhër të ri”, tha ai.

“Sa i përket zonave të tjera, ne po përgatitemi të mbrojmë qytetarët izraelitë, për të ruajtur sigurinë e tyre. Këtë e bëjmë në veri, në qendër dhe kudo”, shtoi më tej ministri.

Komentet e Galladit erdhën pasi ai u takua me zyrtarë të lartë të sigurisë, duke përfshirë krerët e IDF (Forcat e Mbrojtjes së Izraelit), shërbimin sekret të Izraelit dhe Mossad.

Zyra e shefit të mbrojtjes tha se vendosi “drejtimin e veprimit në operacionet kryesore” në luftë, duke përfshirë “operacionin ushtarak, përpjekjen për të liruar të burgosurit.” /abcnews.al

Shpërndaje në rrjete sociale

Lajmet më të lexuara

Të ngjashme

Foto lajm