Itali, të paktën dy të vdekur nga shpërthimi i gazit

11:30 | 12 Dhjetor 2021
Përparim Bublaku

Të paktën dy persona kanë humbur jetën dhe shtatë janë zhdukur pas një shpërthimi të gazit natyror në qytetin jugor të Italisë, Ravanusa

Mediat lokale raportojnë se shpërthimi ka shumë të ngjarë të jetë shkaktuar nga një rrjedhje gazi nga instalimi. Shpërthimi i fuqishëm rrënoi tri shtëpi dhe tri të tjera u dëmtuan në masë të madhe.

Dy persona mbetën të vdekur në një nga shtëpitë e rrënuara dhe dy u nxorën nga rrënojat.

Ekipet e zjarrfikësve kanë shuar zjarrin që ka rënë pas shpërthimit dhe po vazhdojnë kërkimet për shtatë persona të cilët figurojnë të zhdukur.

Italgaz fillimisht tha se nuk kishte indikacione për rrjedhje gazi në qytetin sicilian, ndërsa Mbrojtja Civile tha se ishte rrjedhja e gazit që shkaktoi shpërthimin./AA/

Shpërndaje në rrjete sociale

Lajmet më të lexuara

Të ngjashme

Foto lajm