Përkrahësit e kanabisit në Itali po thonë se kanë mbledhur mjaft nënshkrime për të nxitur një referendum mbi liberalizimin e përdorimit të kanabisit, duke krijuar terrenin për një votim mbarëkombëtar për këtë çështje në fillim të vitit të ardhshëm.
Propozimi i referendumit kërkon të legalizojë rritjen e bimës së kanabisit për përdorim personal dhe të lehtësojë sanksionet për krimet e tjera të lidhura me kanabisin, transmeton arbresh.info
Organizatorët e peticionit mblodhën 500,000 mijë nënshkrimet e kërkuara në shtatë ditë, shumë më shpejt se zakonisht për shkak të një ligji të miratuar në korrik që lejon mbledhjen e nënshkrimeve në internet. Më parë, lejohej vetëm nënshkrimi personal.
“Ky është një rezultat i jashtëzakonshëm, por nuk është për t’u habitur,” tha komiteti organizues i referendumit.
“Shpejtësia e mbështetjes tregon dëshirën për ndryshim në kanabis,” shtoi komiteti në një deklaratë.
Nënshkrimet tani do të duhet të verifikohen zyrtarisht dhe organizatorët u bënë thirrje njerëzve që të vazhdojnë të shtojnë emrat e tyre para afatit të fundit të shtatorit për të shmangur çdo rrezik që referendumi të refuzohet nëse disa prej tyre konsiderohen të pavlefshme.
Organizimi i referendumeve në Itali është bërë shumë më i lehtë me ligjin e ri që lejon nënshkrimet online.
Partitë kryesore politike të Italisë në qeverinë e unitetit kombëtar të Mario Draghi janë të ndarë për kanabisin.
Lëvizja 5 Yje favorizon liberalizimin, të cilin e kundërshtojnë ashpër Lidhja e djathtë dhe Vëllezërit e Italisë. Partia Demokratike e qendrës së majtë në përgjithësi merr një qëndrim të kujdesshëm, jodekutiv.
Grupet pro kanabisit morën një nxitje në vitin 2019 kur gjykata e lartë e apelit në Itali vendosi që rritja e kanabisit për përdorim personal ishte e ligjshme, por ky vendim ende nuk është pasqyruar në legjislacionin e ri, duke e lënë çështjen të paqartë./reuters/arbresh.info/
Izraeli e bombardon Bejrutin, teksa liderët e tij pritet të ...
Anisa e ashpër ndaj Gjestit dhe Leos, pasi ky i fundit ia vo...
Kosova dhe Serbia do të ulen sërish për dialog më 17 dhjetor...
“Sistem i ri për monitorimin e shkollave”, Rama: Prindërit d...
Burimi diskuton me Drenushën pasi doli i papreferuar këtë ja...
Zgjedhjet e 9 shkurtit, VV-ja shpall zgjedhjet e brendshme p...