Google ADS

Itali: Gruaja ndez oxhakun, por s’e dinte që burri i saj fshihte 20 mijë euro në të

15:26 | 29 Dhjetor 2022
A. B.

Edhe pse festat e Krishtlindjeve dhe Vitit të Ri janë zakonisht një kohë kur stresi reduktohet në minimum, për një çift të martuar nga Italia kjo periudhë e vitit u kthye në një makth.

Siç raporton gazeta Il Messaggero, një rast i çuditshëm ka ndodhur në Romë kur burri vendosi, pa e informuar gruan e tij, të fshehë kursimet e tij prej 20 mijë eurosh në oxhak, pasi mendonte se ishte një “kasafortë e sigurt”.

Megjithatë, gjëja që ai nuk e parashikoi ishte se gruaja e tij një ditë do të vendoste ta ndezte atë oxhak.

“Gruaja ime nuk e dinte që unë i fsheha aty. Çdo vit para se të ndez zjarrin i lëviz paratë. Tani kur pashë flakët humba mendjen”, ka thënë burri.

Ai nuk ka pritur që oxhaku të ndizet edhe për disa ditë duke pasur parasysh se temperaturat në Romë nuk kërkojnë ngrohje shtesë.

Megjithatë, gruaja vendosi të krijojë një atmosferë festive.

Shpërndaje në rrjete sociale

Lajmet më të lexuara

Të ngjashme

Foto lajm