Senatori dhe kandidati republikan në zgjedhjet e vitit 1996, Bob Dole, është diagnostifikuar me kancer të mushkërive.
Ai ka deklaruar se do të fillojë trajtimin ndaj sëmundjes të hënën, transmeton portali arbresh.info
“E di që kam një kohë të vështirë përpara, por gjithashtu e di se do të bashkohem me miliona amerikanë që përballen me probleme serioze shëndetësore vetë,” tha Dole, i cili menjëherë filloi të merrte shprehje mbështetjeje, lutje dhe dëshira për sukses nga spektri më i gjerë politik, shkruan AP.
Përveç shumë kongresmenëve të cilët kanë shprehur mbështetje për senatorin Dole, senatori i vjetër i Kansas Pat Roberts tha se Dole me vendosmërinë e tij do të fitojë betejën me sëmundjen kundër kancerit.
“Ne e dimë që kanceri është një sëmundje e rrezikshme, por Bob Dole është më i rrezikshëm”, tha Roberts.
Në zgjedhjet presidenciale të vitit 1996, Bob Dole, si një senator nga Kansas me një karrierë 36-vjeçare, qëndroi në garë të ngushtë me Presidentin e atëhershëm të SHBA, demokratin Bill Clinton, dhe humbi.
Më parë, Dole u përpoq të fitonte nominimin presidencial republikan në dy raste, në 1980 dhe 1988, dhe në 1976 ai ishte kandidat për nënkryetar i kandidatit republikan Gerald Ford, i cili humbi zgjedhjet ndaj demokratit Jimmy Carter./arbresh.info/
Policia me aksion në Prizren, arreston tre persona për fajde...
Ushtarët letonez të KFOR-it patrullojnë përgjatë vijës kufit...
Bislimi u takua me ambasadorin e Finlandës, Matti Nissinen
Interes i lartë për vaksinimin kundër gripit sezonal në Pris...
Uragani “Helene” në SHBA, mbi një milion banorë pa energji e...
Nesër do të bëhet përurimi i Klinikës së re të Ortopedisë