Ish roja i kampit nazist të përqendrimit, tashmë 93-vjeçar i ka thënë gjykatës gjermane që dëshiron të harrojë kohën e tij në kampin e vdekjes Stutthof dhe ka mohuar fajësinë për krimet e kryera atje.

“Dua të harroj dhe të mos i kthehem asaj përsëri”, tha Bruno Dey kur u pyet nëse i kishte treguar nipërve të tij për këtë, transmeton portali arbresh.info.

Ai është i akuzuar për asistim në vrasjen e 5,230 njerëzve në kamp në afërsi të Gdansk (Danzig) në Poloninë e pushtuar.

Ai dyshohet se ka ndihmuar “vrasjen mashtruese, mizore” të hebrenjve në Holokaust.

Sipas aktakuzës, ato vrasje ndodhën midis gushtit 1944 dhe prillit 1945.

“Unë nuk kontribuova asgjë për të, përveç qëndrimit roje. Por unë u detyrova ta bëj atë, ishte një urdhër”, i tha ai gjykatës së Hamburgut të mërkurën.

Ai po gjykohet në një gjykatë për të mitur sepse ai ishte i moshës rreth 17 vjeç në atë kohë.

Në gjyqin në janar një historian dëshmoi se Z. Dej u dërgua në kamp fillimisht si një ushtar i Wehrmacht dhe nuk u bashkua me SS deri në shtator 1944. Pra, argumentohet, ai mund të kishte kërkuar transferimin në një njësi tjetër përpara se të bëhej pjesë e makinës SS për vrasje masive.

Pritet të jetë një nga gjyqet e fundit të kriminelëve të dyshuar të luftës naziste, pasi që të mbijetuarit dhe autorët e krimit tani janë shumë të vjetër, dhe në disa raste kujtimet e tyre po dështojnë./arbresh.info/