Google ADS

Ish-presidenti Carter del nga spitali

09:01 | 28 Nëntor 2019
Arbresh.info

Ish-presidenti amerikan Jimmy Carter, ka dalë nga spitali dhe është dërguar në shtëpinë e tij në Xhorxhia për t’u shëruar nga dëmtimet e marra kohët e fundit si pasojë e rrëzimeve.

Sipas një deklaratë nga Qendra Carter, në fillim të këtij muaji, 95-vjeçari iu nënshtrua një operacioni të suksesshëm për të lehtësuar presionin në tru, të shkaktuar nga rrëzimet e fundit. Ai do të festojë festën e Falënderimeve në shtëpi, së bashku me familjen e tij.

Carter, i cili ishte president nga viti 1977 deri në 1981, u diagnostikua me kancer të trurit në 2015, por është shëruar plotësisht.

Demokrati, presidenti më jetëgjatë i SHBA-së, u bë kampion për të drejtat e njeriut brenda dhe jashtë vendit, pasi mbajti një mandat të vetëm si president. Ai mori çmimin Nobel për Paqen në vitin 2002./atsh/

Shpërndaje në rrjete sociale

Lajmet më të lexuara

Të ngjashme

Foto lajm